१४/०३/२०२१
दहीपळस, दहीवण, भोकर्या दहीन, भोटी
botanical name Cordia macleodii
दहीवणची आज दोन झाडं पाहिली म्हतोबा टेकडीवर , ह्यातल्या एका झाडाला फुलं/ फळं असं दोन्ही होतं , दुसर्या झाडावर मात्र फक्त फळेच होती. आणी ही दोन्ही झाडं एकमेकांपासुन बर्याच अंतरावर होती, पण दोन्हीही झाडं धामण झाडाला अगदी चिकटुन आली होती. हा योगायोग म्हणावा का???
जुनी सर्व पाने खाली गळुन पडलेली दिसली,
नविन पालवी फुटली होती, त्यातलं एकच पान मोठं झालं होतं
भोकराच्याच कुळातील हे झाड आहे. पण दहीवणाची फुलं अशी गुच्छाने लागतात
संपुर्ण झाड असं फुलांनी आणि फळांनी बहरलं होतं
महाजन सरांनी त्यांच्या देशी व्रुक्ष ह्या पुस्तकात छान माहिती दिली आहे. ह्याच्या बियांपासुन नवीन रोपं करायचा विचार येतोय......
दहीपळस झाड पावसाळ्यात पहिलं, तेंव्हा त्याच रुप भारी वाटलं, ह्याला दहीपळस नाव का पडलं असेल ह्याच कोडं सुटलं, मार्च महिन्यात निष्पर्ण असलेलं झाड पाहिलं होतं, आणि आता टेकडीवर जेंव्हा ह्याला पाहिलं तेंव्हा ह्याची पालवी बघुन थोडावेळ पळसाचीच आठवण झाली, , आणि पान वरुन येवढं गर्द हिरवं दिसत होतं, पण वारं आलं कि एखाद्या जादु सारखं पांढरं फटफटीत दिसायचं,. पानाची खालील बाजु अगदिच भुरकट रंगाची आहे. धुपछावच्या साडीसारखं क्षणात गर्द हिरवं आणि क्षणात चंदेरी......
पळसाची आठवण करुन देणारी पालवी
ref:
http://flora-peninsula-indica.ces.iisc.ac.in/herbsheet.php?id=2080&cat=7
https://indiabiodiversity.org/species/show/265741
No comments:
Post a Comment